呢2包係貓糧，唔係人類既食物
點解我今日想講貓糧？我唔係講濕疹的嗎？我其實係想講濕疹既，所以一定要耐心睇晒。
話說大約年幾前，我家迎來了第一隻的貓咪 蚊蚊。其實當初有少少因為衝動而養既，而對貓點養其實真係唔太大認識，以為比下水比下貓糧就得。
而當然，對食物咁講究既我，對於呢個新既物種當然十分好奇。正如我生完小朋友後發現自己唔識湊，走左去讀幼教（好認真），我同樣因為貓而去研究關於貓既一切。
其實我有個好衰好衰既習慣，就係我其實唔太鐘意用google同唔太鐘意「問人」或「問群組」，我鐘意睇書，因為書本既野「感覺上」認真少少。所以我就睇左好幾本關於貓貓飲食既書。
其實，唔講真係唔會留意。其實喵喵既飲食要求係同人類好唔同。基本上佢每日都要食到90%以上既動物蛋白，先至係符合到佢基本需要。而其實一隻健康原始既喵喵呢，其實天生就係識得食生既肉（whaaat?) 無錯，其實對喵喵最好既，真係「刺身」，喵喵對於生肉係消化同吸收最好的！
「但生肉有虫喎，又有細菌」
其實一隻健康既喵喵，食生肉係無問題係原因，係因為佢既胃部會分泌強酸，乜菌乜虫去到個胃度，其實都已經消化晒同死晒！加上食生既肉入面，仲有唔少營養。
但，你真係唔好無啦啦走去比佢生肉
其實一般家養喵喵，如果食慣乾糧、罐罐，佢慢慢都會失去分泌強胃酸既能力既。加上某啲乾糧罐罐其實成份係好劣質。長時間食用，其實會令喵喵有慢性疾病。而長時間食乾糧罐罐，一下子比生肉，反而會令佢腸胃不適。
其實從喵喵一事，我地其實都可以領悟到人類既飲食大道理：
唔係所有放得入口既，都係等於適合你。
喵有佢既飲食formula，其實人都會有。
當長時間食錯左野，你身體某些本能其實都會失去佢應有既function。
食適合自己既食物，其實就可以maximize自己既健康。
你有吃對你的食物嗎？
ByeBye濕疹自主課程： https://www.byebyeczema.com/consult
ByeBye濕疹youtube channel： https://youtube.com/c/ByeBye%E6%BF%95%E7%96%B9
PGut準腸康 專利益生菌及腸道基因測試8折優惠！點擊連結購買： https://shop.biomed.hk?sl-ref=bbecz 推薦代碼：BBECZ
Comments