（不好意思，讓大家久等了！）
雖然都未完全100%好番，但係今日可以總括少少心得比大家參考一下，等大家無咁驚同埋可以做足要做既準備。
除左工人姐姐打左3針疫苗，過左一7日，negative後可以自由之外，我地一家都仲向處理坐監既隔離狀態。參考最近又有朋友中左招既心得，佢話係因為曾向多人既地方出沒過，就中左招。所以相信工人姐姐有機會係向多人的地方出沒後而中招～
而上星期工人姐姐的確係有身體不適，但原來佢自己做快測，無事就無出聲，所以佢發病後無幾耐我小朋友也發病了。若果大家家中也有工人姐姐，請多多向佢洗下腦，記住同佢交待清楚一有攰、頭痛、覺得熱、喉嚨痛，記住要帶番口罩（尤其家中有老幼的）先，而快測真係唔係立即測到佢無事的。
而若果工人真係中左，唔洗覺得送佢去隔離設施唔好意思。因為我工人姐姐係十分之滿意個隔離設施既，因為環境又好（大過佢間房），又有三餐（佢話好味），同埋又可以好好咁休息無任何野噪住佢。所以係一個好理想既渡假空間。當然，送走了工人姐姐，家人一切大小事務就係我地自己處理番。
小朋友中我覺得係相對地大挑戰，因為聽番好多朋友講，小朋友中左係會發高燒的。但佢地雖然係比較高燒，但正常情況下，高燒後都幾快就退！（我小朋友燒左1晚＋1日就退晒燒）而佢地一退左燒就好似完全好番咁，無咳無鼻水無痰無喉嚨痛。其實小朋友發燒無咩可以做，最好係採用物理降溫方法，等佢”無咁熱”，千萬不要諗住發燒用退熱水去降係一件好事，因為身體既溫度上升，係可以幫助殺死細菌/病毒，所以身體其實係要保持合理地高溫，就可以了。
物理降溫方法：用暖水抹身、用暖水沖涼（可以一日沖N咁多次）、不斷飲水、不斷去廁所、退熱貼等等。。。
中間都可以比番既supplement佢既，菌呀、魚油呀、維他命呢啲都係基本野，其實就係睇佢自己打仗（所以平時鍛錬番個基本體質係好重要）。退熱水儘可能少啲用（適時都要用下既，但不要濫用），因為退熱水對小朋友係十分之傷（尤其傷肝）。
意料之內我同先生都中埋19，其實感覺係感冒，個人熱熱地，頭痛，都會有。我自己就無喉痛，我先生就話佢有，我估係depends on每人不同的體質而出現不同情況。都係不斷食維C、維他命、蜂蜜等等去幫自己打仗。病徾其實每天都有些不同，我自己就大約係咁。
病發前：攰、熱熱地、喉嚨不適 病發第一天：低燒，少少攰 第二天：低燒，個人少少攰 第三天：退燒了、咳 第四天：狂咳，咳到甩肺 第五天：無咳了，但鼻塞
大既係咁既情況la... 至於先生比我嚴重少少，佢中途係坐左抗疫的士去左政府既診所睇醫生。也拎左好多藥返屋企食（咳水之類）。不過佢食左一日覺得副作用太大無再繼續食了。
暫時未能肯定個肺有無花，同埋有無long-covid等等既symptoms，要遲啲觀察下才知道了。不過暫時好彩既係我地雖然無打疫苗，托賴似乎無出現坊間所講既重症既情況。
其實無論你係打左針，或者無打針都好，相信都係可以感染到，傳染到比別人、同埋都係有機會重症/輕症。而因為現在坊間既措拖，其實真係無做過啲乜去防止你野到、或者你野比人，最好既方法我始終都覺得係，要打好個底（益生菌、魚油、etc etc)，同埋對點樣去處理呢個病有一定既認知，以最好既心情去面對最壞既事情，我得覺就足夠了！
祝大家身體健康 百毒不侵！
ByeBye濕疹自主課程： https://www.byebyeczema.com/consult
ByeBye濕疹youtube channel： https://youtube.com/c/ByeBye%E6%BF%95%E7%96%B9
PGut準腸康 專利益生菌及腸道基因測試8折優惠！點擊連結購買： https://shop.biomed.hk?sl-ref=bbecz 推薦代碼：BBECZ
Comments